Një ngjarje e trishtë është raportuar disa ditë më parë ne mediat italiane. Badibillderi i famshëm, Alberto Klementi, është gjetur i vdekur në moshën 49-vjeçare në rrethana misterioze, në apartamentin e të dashurës së tij në Venecia.
Ai dyshohet se vuante së fundmi nga një sëmundje, ndërkohë që teksa po shkonte në tualet, nuk u kthye më.
E dashura shkoi për të parë se çfarë po ndodhte teksa dera ishte e mbyllur dhe asaj iu desh të thërriste zjarrfikësit dhe ambulancën që mbërritën në pak minuta dhe thyen derën.
Klement kishte mbetur i vdekur në dysheme. Policia mbërriti në apartament dhe sekuestruan disa shishe të substancave dhe menjëherë i dërguan për analiza. Pritet që të mësohen në ditët e ardhshme edhe shkaqet e vdekjes së tij.
