Barcelona ka mposhtur me rezultatin 2-1, Real Sosiedadin ku aktivizohet futbollisti me origjinë shqiptare, Adnan Januzaj.
Miqtë kaluan të parët në avantazh me anë të Uillian Joze në minutën e 27-të, ndërkohë që Zhordi Alba dhe De Jong, përmbysën rezultatin në minutat 31 dhe 43.
Kjo ishte fitorja e 6-të në kampionat për Barcelonën në 12 ndeshjet e zhvilluara dhe e dyta radhazi. Skuadra e Kumanit, u ngjit në vendin e 5-të, me 20 pikë, ndërkohë në krahun tjetër Sosiedadi është zhytur në krizë, teksa nuk fiton prej 4 ndeshjesh radhazi.
