Një futbollist turk me aftësi të kufizuara, foli të enjten në Ditën Ndërkombëtare të njerëzve me Aftësi të Kufizuara, se megjithëse përballet me shumë vështirësi, ai kurrë nuk hoqi dorë nga ëndrrat e tij.
“Unë e fitoj jetesën time përmes sportit. Në vend që të ofendohem nga jeta dhe të qëndroj në shtëpi, dikush mund të vazhdojë profesionalisht,” tha për mediat turke, Baris Teli, i cili humbi këmbën e djathtë në një aksident në moshën 4-vjeçare.
31-vjeçari është pjesë e ekipit kombëtar të futbollit të aftësive të kufizuarve të Turqisë dhe gjithashtu punon si instruktor palestre.
Teli tha se ai ka përmbushur shumicën e ëndrrave të tij por dëshiron të fitojë trofeun e Kupës së Botës 2022 për Turqinë. “Kurrë mos hiqni dorë nga ëndrrat tuaja.”
Ai ndihmoi kombin e tij të fitonte Kampionatin Europian të Futbollit të Aftësive të Kufizuara në vitin 2017 duke mundur Anglinë.
