Kanë mbetur edhe disa muaj deri në korrik, por tashmë kanë filluar spekulimet e para në lidhje me stilin e fanellës së re të parë të Interit.
Për sezonin 2021/2022, “Footyheadlines”, një portal i specializuar për fanellat e futbollit, parashikon rikthimin e vijave vertikale, dhe me pamjen e thellë në sfond të lëkurës së gjarprit ku është simboli i Interit, që i përngjan paksa fanellës së sezonit 2010/2011.
Ngjyrat do të jenë të njëjtat: nuanca blu me të zezën, me ngjyrën prej ari tek sponsori teknik “NIKE” dhe sponsori i përgjithshëm. Ndërsa për pantallonat e shkurtra dhe çorapet do të jenë totalisht të zeza.
