France Football e ka përfshirë në Dream Team të Topit të Artë dhe ai, Paolo Maldini, i vetmi italian në këtë super ekip, ka dhënë një interistë për revistën franceze,
“Jam sakrifikuar shpesh për skuadrën, mund të kisha qenë një mbrojtës i majtë më i mirë nëse nuk do të kisha dëgjuar atë që kërkonte trajnerit”, ka thënë drejtuesi i Milan-it.
“Por pikërisht për shkak të sjelljes që kam patur, jam vlerësuar akoma më shumë nga pjesa më e lartë e botës së futbollit”.
Për Roberto Carlos: “Historia e Roberto Carlos tek Inter-i të bën të mendosh: është lënë mënjanë me pretekstin se nuk mbronte mirë kur kjo nuk ishte e vërtetë, ishte një lojtar i vështirë për t’u kapur në befasi një kundër një”.
Në fund, në lidhje me idhujt e tij: “Botërori i 1978-ës ka qenë i pari që kam parë në tv dhe historia e Cabrini-t ka qenë shumë e bukur. Ishte i ri, kishte një pamje solemne dhe ka qenë fantastik!”.
“Në Milano, më pas, jam frymëzuar nga Tassoti: nuk kishte një fizik të madh, por një teknikë të rafinuar. Kam menduar gjithmonë se teknika, përveç forcës atletike, mund të ofronte një rrugëdalje në situata të komplikuara”.
