Harry Kane po zhvillon një sezon të jashtëzakonshëm me Tottenham, por kjo nuk e mbron yllin e Jose Mourinho-s nga kritikat.
Siç ka shpjeguar SportBible, ka qenë Refsupportuk që ka drejtuar gishtin kundër anglezit. Refsupportuk është një shoqatë jofitimprurëse që mbështet arbitrat e çdo kategoria.
Këtë herë janë arbtirat e Premier League që mund të kenë nevojë për mbështetjen e shoqatës së lartpërmendur, sepse Kane përdor një lëvizje që mund të jetë e rrezikshme për kundërshtarët.
Anglezi, në fakt, e ka zakon të përdorë kurrizin e tij për të krijuar kontakt me mbrojtësin kur ka topa të lartë, shpesh pa kërkuar as topin, por duke parë me vëmendje pozicionin e kolegut.
Ura klasike që, siç ka ndodhur kundër Arsenal-it në përplasjen me Gabriel, shkakton rrëzime të rrezikshme për mbrojtësit.
Refsupportuk thekson sesi kjo taktikë e Kane është në gjendje të vërë në rrezik futbollistet dhe u kërkon arbitrave të Premier League ta ndëshkojnë sulmuesin e Mourinho-s, i cili ka fituar edhe disa penallti në favorin e tij si në rastin e kontaktit me Lallana-n në ndeshjen kundër Brighton-it.
Një shembull shumë i keq për shumë të rinj, ka shpjeguar shoqata:
“Siç ndodhe me çorapet Grealish, festimin e Cristiano Ronaldo-s ose kthesën e Cruijff, të rinjtë imitojnë atë që bëjnë kampionët në TV. Dhe kjo është një taktikë e rrezikshme që duhet parë me kujdes”.
A do ta përdorë përsëri kurrizin Kane? Ku i dihet, por polemikat kanë nisur.