Koronavirusi nuk ka kursyer edhe klubin historik të Njukasëll Junajtid. Skuadra angleze është goditur nga pandemia ditën e dielë ku shumë futbollistë të saj u infektuan pa u përmendur shifra e saktë në opinionin publik.
Trajneri bardhezi Stiv Brus ka anuluar stërvitjen deri ditën e mërkurë nga ku të gjithë lojtarët dhe stafi i Njukasëllit do të testohen sërish me kontrollin rutinë të tamponin. Ndeshja e rradhës e “qymyrxhinjve” është ndaj Aston Vilës ditën e premte, dhe sipas raportimeve të shumta në mediat britanike thuhet se kjo ndeshje është në rrezik për t’u zhvilluar.
Njukasëll-Aston Vila do të ishte ndeshja e parë me tifozë në Premier Ligën angleze pas vendimit të marrë nga qeveria dhe kryeministri britanik për lejimin nga data 2 dhjetor deri në 2 mijë tifozë për ndeshje në qytetet me risk të ulët infeksioni.
