Në Portugali është në qendër të vëmendjes çështja Rafael Leao. Sulmuesi i Milan ka “fituar” faqet e para të gazetave luzitane për shkak të sekuestrimit të të pasurive të tija në atdhe.
Një çështje që ka lidhje me të kaluarën e tij dhe lamtumirën nga Sporting Lisbone në 2018-ën.
21-vjeçari, i transferuar verën e kaluar nga Lille te Milan, është rritur në vendin e tij me fanellën e Sporting-ut.
Historia e dashurisë mes Rafael Leao-s dhe klubit portugez është ndërprerë në mënyrë të papritur dhe jo shumë të mirë.
Gjykata e Arbitrazhit Sportiv, në fakt, e ka detyruar t’i paguajë 16.5 milionë euro ish-klubit të tij, nga i cili është larguar në mënyrë të njëanshme në verën e 2018-ës pas sulmit që skuadra pësoi nga disa tifozë.
Gjykata, ndërkohë, sipas mediave portugeze, ka sekuestruar pasuritë e tij për një vlerë të barabartë me 35 mijë euro.