Kukësi dhe Tirana do të përballen ditën e sotme mes tyre, në ndeshjen e vlefshme për javën e 10-të në Kategorinë Superiore.
Pritet një ndeshje e luftuar nga të dyja ekipet, të cilat do të kërkojnë me çdo kusht fitoren. Të dyja skuadrat, luftuan me njëra-tjetrën për titullin kampion, të cilin në fund e fituan bardheblutë.
Për sa i përket përballjeve të fundit, verilindorët u mposhtën në transfertë ndaj Kastriotit, në javën e 9-të, ndërkohë që Tirana barazoi në Korçë ndaj Skënderbeut.
LIVE/ Kukësi – Tirana
KOMENTI LIVE:
90+2′ Çfarë rasti për Tiranën! Ernest Muçi humbet një shans të artë, tentativa e tij, shkoi ngjitur me shtyllën.
90+1′ Zëvendësim te Kukësi, largohet Taipi, vendin e tij e merr Ymeri.
90′ Akordohen 4 minuta shtesë.
88′ Kukës dominues në këto minuta të fundit që kërkon me ngulm golin e avantazhit.
84′ Zëvendësim te Tirana, largohet nga fusha e lojës i dëmtuar, Sasraku, vendin e tij e merr Musai.
82′ Taipi provon me një tentativë të rrezikshme nga goditja e dënimit, por gjuajtja e tij ndalet nga portieri Bekaj.
76′ Dy zëvendësime te Tirana, largohen nga fusha Torasa dhe Halili, vendet e tyre i marrin Gjumsi dhe M. Nuriu.
74′ Gashi rrëzohet brenda zonës dhe kërkon penallti, por për gjyqtarin Kola gjithçka e rregullt.
72′ Kotobelli harkon në zonë, për Eze, por sulmuesi nuk arrin të devijojë dot topin me kokë.
67′ Tjetër kërcënim i kukësianëve, ishte Taipi që provoi me të majtën, por gjuajtja e tij u devijua në momentet e fundit në këndore.
59′ Taipi dhuron spektakël duke shmangur të gjithë që i dalin përpara, shërben për Eze, i cili arrin të shënojë, por goli anulohet nga asistenti, për pozicion jashtë loje. Pamjet tregojnë se asistenti ka gabuar.
55′ Traversa ndal të sapofuturin në fushë Gashi, i cili pas një aksioni mjaft të bukur, në afërsi të pikës së penalltisë, ka stampuar traversën e portës së Bekajt.
54′ Zëvendësim te Kukësi, largohet Bruno Lulaj, vendin e tij e merr Gashi.
53′ Muçi provon me kokë pas harkimit nga e majta, por topi shkon mbi traversë, për pak sa nuk surprizohet portieri Tafas.
50′ Minuta mjaft të mira për Tiranën, që ushtron presion të vazhdueshëm në zonën e Kukësit.
46′ Zëvendësim te Tirana, largohet Giamfi, vendin e tij e zë Sasraku.
Mbyllet pjesa e parë.
45′ Akordohet 1 minutë shtesë.
43′ Tirana pretendon për 11-metërsh, pas një dueli të Demirit me Muçin, brenda zonës, por nuk është i këtij mendimi gjyqtari Kola. Proteston drejtori Tefik Osmani.
38’ Goditje dënimi për Tiranën pranë kufirit të zonës, Batha gjuan direkt por topi përfundon lehtësisht në duart e portierit Tafa.
30’ Gabime të shumta në pasimin e fundit nga të dy skuadrat që nuk arrijnë të dërgojnë lojtarë drejt portave kundërshtare.
22’ Tafa tregohet i vëmendshëm në anën tjetër të fushës, duke dalë në këmbët e Muçit, për të mos lejuar sulmuesin e Tiranës të gjuajë drejt portës.
16′ Visar Bekaj shpëton Tiranën nga një gol i sigurtë, duke ndalur Agim Ibrahimi brenda zonës. Tentativa e kapitenit u neutralizuar mjaft mirë nga gardiani prishtinali.
14′ Taipi lëshon një predhë nga distanca me të majtën, gjuajtja e tij ishte qëndorore dhe kontrollohet lehtësisht nga Bekaj.
9′ Eze provon të japë shkëndijën e parë, por tentativa e tij ishte e lehtë dhe shkoi drejt e në duart e portierit Bekaj.
5′ Start i qetë, me të dyja skuadrat që luajnë në mënyrë të kujdesshme, duke mos rrezikuar.
1′ Ka startuar sfida në “Elbasan Arena”.