Ramen Çepele është lojtari më i ri i Kombëtares Shqiptare që ka debutuar me fanellën kuqezi. 17-vjeçari, gjatë merkatos së fundit u transferua nga të rinjtë e Interit tek Akademia e Hanover 96, duke ndjekur gjurmët e Adrian Aliajt, Ervin Fakajt, Valdet Ramës dhe Altin Lalës.
“Prindërit e mi u gëzuan kur u transferova nga Interi te Hanoveri. Ndihem më shumë në shtëpi këtu, më kanë pritur mjaft mirë edhe shokët e skuadrës edhe stafi. Në Itali fokusi kryesor është te taktika, ndërsa në Gjermani je më i lirë gjatë lojës.
Dëshira ime është që të luaj me skuadrën e parë dhe të jem sa më gjatë në këtë klub. Ishte emocion i madh që të bëhesha pjesë e Kombëtares dhe e kam mbyllur me lot në sy ndeshjen ndaj Kosovës”, ka deklaruar Çepele, mbrojtësi më i ri i Kombëtares shqiptare.
