Vdekja e Diego Armando Maradonës i ka shokuar të gjithë personazhet e botës së sportit. Në Napoli ekziston një vend që ishte bërë destinacioni i preferuar i “El Pibe de Oro”-s.
Bëhet fjalë për “Lagjen spanjolle”, ku është prezent dhe muralesi i tij, ku javët e fundit ishte dhe si një altar për Maradonën. Çdo person i njohur nga futbolli jep nderimin e tij tek ai murales, si Bruno Konti që ishte dy javë më parë.
Duke parë angazhimin e nesërm të Sampdorias ndaj Napolit në kampionat, skuadra nga Xhenoa vizitoi muralesin e ish-kampionit të botës me Fabio Kualiarelën të parin pasi ai është një napoletan, më pas ishte trajneri i dorianëve Klaudio Ranieri dhe presidenti Masimo Ferrero për t’i dërguar një tufë me lule dhe fanellën e Sampdorias me numër 10, në shenjë respekti për figurën e Diego Armando Maradonës.
#Quagliarella, #Ranieri e #Ferrero omaggiano #Maradona: maglia e commozione al murales dei Quartieri Spagnoli pic.twitter.com/OxKCGUA0Sp
— calciomercato.com (@cmdotcom) December 12, 2020