Luis Suarez vazhdon të jetë jashtë skuadrës së Atletiko Madridit.
Në komunikantën e fundit për shtyp të klubit spanjoll, raportohet se mesfushori Lukas Torreira ka kaluar koronavirusin, ndërsa për bashkëkombasin e tij nuk jep të dhëna, duke lënë të dyshohet se 33-vjeçari vazhdon të jetë i infektuar me ‘COVID’.
Suarez është infektuar me koronavirus dhe po qëndron në karantinë prej mëse 10 ditësh. Nuk dihet se në cilin moment ai do të jetë gati për trajnerin Simeone.
