Mike Tyson dëshiron të rikthehet sa më shpejt në ring pas duelit të zhvilluar tri ditë më parë në Kaliforni, ku barazoi ndaj Roy Jones Jr. Dy boksierët e peshës së rëndë zhvilluan një duel “shoë” për bamirësi (8 raunde me nga 2 minuta secili).
“Ne dueluam për bamirësi dhe u argëtuam shumë. Mendoj se me këtë duel ndihmuam shumë persona. Mund dhe duhet ta zhvillojmë sërish këtë duel me Roy Jones, duke qenë se sfida e parë doli në barazim. Kjo është një dëshirë e Zotit”, tha Tyson.
Mike “Iron” Tyson u rikthye në ring 15 vjet nga dueli i fundit dhe tregoi një formë të mirë. Ai është gati të rikthehet në ring në pranverën e 2021-shit, për nje revansh ndaj Jones: “Besoj se 3-4 muaj kohë për t’u përgatitur sërish mjaftojnë”.