“Nuk duhet të përbëjë lajm, megjithatë ndeshja e mbrëmjes së sotme mes Juventus-it dhe Dinamos së Kievit do të hyjë në histori. Për herën e parë, në fakt, do të jetë një femër që do të arbitrojë një ndeshje të Champions League: Stephanie Frappart”.
Ky ka qenë komenti në Facebook i ministrit italian të sportit Vincenzo Spadafora në lidhje me arbitrin e parë femër që do të drejtojë një ndeshje të Champions-it.
“Një hap pas tjetrit, – ka shtuar Spadafora, – edhe sporti jep kontributin për të kapërcyer pabarazitë dhe stereotipin e gjinisë. Pabarazi që jemi të përkushtuar t’i kapërcejmë edhe nëpërmjet Reformës në Sport, që ka përfshirë më në fund edhe profesionalizmin e femrave!”.