Trajneri francez, Arsèrne Wenger, siguroi se transferimi i mundshëm i Lionel Messi në PSG të Neymar, nuk është investimi më i mirë që klubi francez mund të bëjë verën e ardhshme, duke marrë parasysh yjet që ka në skuadrën e vet, të tillë si Neymar dhe Kylian Mbappé.
Në një deklaratë për stacionin “Europa 1”, trajneri i njohur nuk ishte shumë i ngazëllyer, duke shpjeguar: “Lionel Messi është një nga dy lojtarët më të mirë në botë. Ata që do të zëvendësojnë Cristiano Ronaldon dhe Messin janë tashmë te PSG (Neymar dhe Mbappé). Pas kësaj, është çështje ekuilibri në një klub; një ekuilibër në nivel teknik dhe ekonomik. A mund ta mbajë ekuilibrin PSG duke marrë një lojtar si Messi? Unë nuk jam i sigurt”.