“Koha nuk ishte e përshtatshme. E them këtë, sepse pak distancë me Bayern-in nuk të dëmton. Nuk dua që të them se nuk rikthehem te Bayern. Gjithçka varet nga koha. Kurrë mos thuaj kurrë”, tha Lahm për Rheinische Post.
Sa i përket diskutmit rreth talenteve të momentit në futbollin gjerman, 34-vjeçari që është kapiten nderi në kombëtaren gjermane nuk mund të kuptojë: “Ne kemi 54 qendra stërvitore, ka përherë lojtarë të mirë, të rinj që kanë plot potencial dhe cilësi”, tha Lahm, i cili sidoqoftë, ka dyshimet e tij rreth klubeve për vëmendjen dhe durimin që iu kushtojnë të rinjve që kanë talent.
“Sot lojtarët jepen shumë shpejtë, nuk funksionon menjëherë. Ata nuk marrin kohën e mjaftueshme, edhe pse trajnerët kanë qenë të dhënë pas tyre në fillim”.
