Është diskutuar “forma” e fitoreve të Interit në kampionat gjatë bisedës në kanalin “Twitch” të Kristian Vierit.
Ish-sulmuesi ka shprehur këndvështrimin e tij personal lidhur me momentin që po kalon skuadra e Antonio Kontes, i privilegjuar edhe nga fakti i të qenit një ish zikaltër: “Ndodh ndonjëherë të mos fitohen ndeshje të luajtura jo bukur gjatë vitit, – ka pranuar Vieri.
– Ndodhte edhe tek Interi im kur në stol ishte Kuper. Megjithatë, kur vesh një fanellë kaq të lavdishme, je i detyruar të fitosh duke dhënë diçka më shumë. Në njëfarë mënyre, duhet të fitosh edhe duke luajtur një futboll të bukur. Tani dua të shoh Interin të luajë më mirë”.
