Tirana ka mposhtu Laçin në një përballje tepër emocionuese. Supergoli i kapitenit Batha, i dhuroi triumfin e parë trajnerit Dede në krye të bardhebluve.
Heroi i kampionëve në fuqi në këtë përballje, ishte padyshim gardiani Visar Bekaj, që arriti t’i priste 11-metërshin sulmuesit Nuabueze në minutën e 36-të. Portieri kosovar ishte protagonist edhe në disa neutralizimet të tjera tepër vendimtare gjatë ndeshjes.
Vlen të theksohet se në sfidën e sotme, Laçi u drejtua nga zv.trajneri Klevi Hima, në mungesë të Stavri Nicës. Me këtë 3 pikësh, Tirana u ngjit në kuotën e 9 pikëve në 7 ndeshje, ndërkohë që Laçi, pozicionohet në vendin e 7-të, me 7 pikë në 7 ndeshje.
