Një ndër episodet që bëri shumë përshtypje pas humbjes me Fiorentinën ishte fakti që nëse i gjithë stoli bardhezi u largua i dëshpëruar në dhomat e zhveshjes, ai që zbriti në fushë dhe ngushëlloi secilin nga shokët, madje edhe duke i karikuar, ishte vetëm Paulo Dibala.
Sulmuesi argjentinas, i cili edhe të martën e kapërdiu qëndrimin në stol për 90 minuta, tregoi me gjestin e tij se është shumë i lidhur me Juven dhe këto pamje të ndara në rrjetet sociale u përshëndetën me elozhe nga tifozët.
