Vazhdojnë homazhet e Lorenco Insinjes, për idhullin e tij Diegon Armando Maradonën, i cili u nda nga jetë më 25 nëntor. Kapiteni aktual i Napolit ka vendosur ta përjetësojë “Pibe de Oron”-n, teksa ka bërë tatuazh fytyrën e legjendës argjentinase në kofshën e majtë.
Videoja u postua në Instagram nga Valentino Russo, artist tatuazhesh i Insinjes dhe shumë futbollistëve të tjerë: “Tatuazh për kapitenin më të mirë në botë”. Diego është me fanellën blu, duke bërtitur dhe brohoritur pas një prej shumë golave të shënuar me ekipin napolitan.
