Mesfushori i Kombëtares shqiptare, Kristi Qose, “rrëmbeu” skenën në kampionatin çek të futbollit, teksa realizoi një supergol nga goditja e dënimit, në barazimin 1-1 që skuadra e tij Karvina arriti në transfertë ndaj Ceske Budejovicës.
Ky ishte goli i tretë për 25-vjeçarin në 11 javë kampionat. Qose është shndërruar në një lider te skuadra e tij, ku nuk e diskuton vendin e titullarit. Karvina në 11 javë kampionat ka arritur të sigurojë 16 pikë duke u renditur në vendin e 7. Kampionati kryesohet nga Slavia e Pragës me 26 pikë.
