Sulmuesi i Shqipërisë Rei Manaj është kthyer te goli me skuadrën e tij Barcelona B. Futbollisti kuqezi shënoi golin e fitores në derbin e Segunda Divizionit kundër Espanjolit B.
Në mintuën e 80-të, 23-vjeçari merr topin dhe nuk pason duke i shpëtuar markimit të një futbollisti kundërshtar. Më pas, ai pret drejt qendrës dhe duke parë daljen e portierit nga porta godet lehtësisht. Goli i ka dhënë 3 pikë të rëndësishme Barcelonës B, e cila renditet në vendin e shtatë në grupin A3 të Segunda Divizionit me 10 pikë.
Ky është goli i pestë që Manaj shënon me Barcelonën B.
