Ish-sulmuesi i Laçit Antoni Okpotu gjeti golin e tretë në këtë sezon në Katar. 26-vjeçari nigerian barazoi 1-1 sfidën ndaj skuadrës së Al-Sadit, që drejtohet nga legjenda e Barcelonës Ksavi Hernandez.
Në minutën e 31-të të takimit, mbrojtja e Al-Sadit gabon duke kthyer topin pas. Okpotu përfiton nga neglizhenca e lojtarëve kundërshtarë dhe i mjafton vetëm të fusë këmbën për të barazuar takimin.
Okpotu luajti për Laçin në formë huazimi në periudhën janar-qershor 2019 duke shënuar vetëm 1 gol në 10 ndeshje. Duket se aventura e tij në Katar po shkon mjaft mirë me 3 gola në 6 ndeshje të kampionatit.