Klubet e Premier League kanë votuar përsëri kundër mundësisë për të bërë pesë zëvendësime për ndeshje.
Është hera e tretë që ndodh, pavarësisht këmbënguljes së disa trajnerëve si Klopp dhe Guardiola, që e kanë cilësuar “të domosdoshme” reformën.
Megjithatë, propozimi nuk ka arritur as këtë herë kuotën e 14 votave në favor në asamblenë e zhvilluar sot. Nga ana tjetër, skuadrat do të mund të kenë në dispozicion deri në nëntë lojtarë në stol, në krahasim me shtatë që mund të merrnin më parë.
