Derbi i Madridit shkon për Real Madridin. Ekipi i trajnerit Zinedine Zidane fitoi pastër ndaj Atleticos me rezultatin 2-0. Një fitore shumë e rëndësishme për “Los Blancos” kjo dhe për vazhdimësinë e sezonit dhe kampionatit.
“Los Blancos” e dominuan sfidën dhe morën një fitore të merituar. Pjesa e parë u mbyll me avantazhin e vendasve, pasi ishte Casemiro që dërgoi topin në rrjetë. Ai shfrytëzoi një harkim të mirë në zonë nga Kroos dhe e dërgoi në rrjetë për 1-0.
Pjesa e dytë pa sërish Realin më kërkues që gjeti dhe golin e dytë. Carvajal lëshoi një silurë që u përplas në rrjetë, pasi Oblak nuk arriti ta ndalë. Mbrojtësi i krahut të djathtë i vuri kapak sfidës. Reali merr 3 pikë të rëndësishme dhe ngjitet në vendin e tretë me 23 pikë. Atletico mbetet e para me 26 pikë dhe një ndeshje më pak.
