Bajerni i Mynihut është në rrugën e duhur për të arritur një rekord që nuk arrihet prej 39 vitesh nga kampionët e Gjermanisë.
1.Rekordi
Kampionët nuk humbasin në 21 ndeshje radhazi në “Allianz Arena”. Këtë e kanë bërë njëherë në 1981, a do të arrijnë sërish? Kjo mbetet për t’u parë.
2.Sa shumë triumfe
Në 46 ndeshjet e luajtura midis dy skuadrave, Bajerni është ekipi që ka fituar më shumë. Plot 36 herë kanë arritur bavarezët të dalin me tri pikë nga fusha, katër ndeshje kanë shkuar në favorit të Volfsburgut dhe gjashtë janë ndarë në barazim.
3.Ujqërit nuk njohin humbje
Së bashku me Leverkusenin, Volfbsurgu është e vetmja skuadër që nuk njeh humbje në këtë sezon pas 11 javëve të luajtura. Kurrë më parë nuk kishte ndodhur një start i tillë për skuadrën bardhëjeshile që nuk njeh humbje që nga qershori i këtij viti.