Tenisti spanjoll Rafael Nadal është i njohur për sjelljen e tij korrekte në fushën e lojës, ku rrallëherë debaton me gjyqtarin apo rivalët. Madje edhe në momentet më kritike apo kur është nervoz ai nuk arrin të dalë nga vetja, për të bërë ndonjë gjest të shëmtuar, si mjaft kolegë të tij.
“Kur zbres në fushë kam një autokontroll total të vetes time dhe nuk më pëlqen që gabimin apo inatin ta nxjerr te raketa, duke e përlasur në fushë dhe ta thyej atë. Mendoj se kjo gjë më ka ndihmuar mjaft herë, për të dalë nga momenti i keq dhe fituar”, u shpreh Nadal, numri 2 në botë për meshkuj.
