Strategji, miqësi, rivalitet dhe tradhti. The Best FIFA është edhe kjo, sepse në krahasim me Topin e Artë ka disa gjëra shtesë. Një nga këto është vota e futbollistëve dhe trajnerëve, të përfaqësuar nga kapitenët dhe teknikët e kombëtareve.
Në pjesën më të madhe të rasteve, zgjedhja është koherente me parimin e besnikërisë ndaj klubit ose kombëtares, siç kanë treguar zgjedhjet e Van Dijk, që ka votuar vetëm futbollistët e Liverpool-it, Chiellini-t, që ka votuar të parin shokun e skuadrës Cristiano Ronaldo, ose ato të shumë trajnerëve të kombëtareve, që kanë votuar në vendin e parë lojtarët e përfaqësueseve të tyre.
Por tradhtitë nuk kanë munguar dhe një nga këto ka tërbuar tifozët e Manchester City-t.
Kevin de Bruyne, në fakt, është injoruar nga Riyad Mahrez, shoku i tij i ekipit te City dhe kapiteni i Alegjerisë, që ka votuar në vendin e parë Lewandowski-n, në të dytin Sadio Mane dhe ka lënë në të tretin belgun, sipas Sportbible.
Siç mund të imagjinohej, tifozët e Qytetarëve nuk e kanë marrë shumë mirë zgjedhjen e Mahrez për të zgjedhur yllin e rivalëve të Liverpool-it para De Bruyne.
Dikush i ka folur direkt belgut dhe i ka dhënë një këshillë: “Mos ia paso më topin!”. Dhe ka nga ata që i kanë sugjeruar të marrë shembull nga një rivali i madh. “Nëse do ta kishte parë si ka votuar Van Dijk, ndoshta do të kishte mësuar diçka”. Një tjetër ka qenë më i ashpër, duke shkruar: “Ai është një gjarpër!”.
Tani mbetet për të parë sesi do të ketë marrë mesfushori belg. Dhe nëse hakmarrja e tij do të vijë në fushë!
