Vllaznia shkërmoqi Skënderbeun me rezultatin 5-1 në sfidën e vlefshme për javën e 11-të të Kategorisë Superiore. Një fitore tepër e rëndësishme për shkodranët, të cilët vijojnë shkëputjen në kampionat. Heroi i Vllaznisë në këtë sfidë ishte padyshim Ardit Hoxhaj, që realizoi poker golash.
Takimi u zhbllokoua në sekondën e 37-të nga Imeri, ndërkohë që golin e nderit për korçarët e realizoi Mensah.
Vlen të theksohet se skuadra e Ahmatajt, realizoi gabime të shumta në mbrojtje, që u shfrytëzuan mjaft mirë nga kuqeblutë.