Trajneri i Liverpulit Jyrgen Klop vazhdon luftën e tij me mediat për kalendarin e ngjeshur të Liverpulit dhe i kthen përgjigje edhe opinionistit të “Sky Sports”, Geri Nevil, i cili e akuzoi gjermanin se me ankesat e tij përpiqet të fitoj avantazh për skuadrën e tij.
“E dëgjova tani se çfarë Geri Nevil tha. E kuptova, por nuk më kujtohet se çfarë tha me saktësi. Por nuk bëhet fjalë për Liverpulin. Ai nuk duhet të mendojë se unë jam si ai, sepse unë nuk jam si ai. Unë flas për të mbrojtur të gjithë lojtarët, jo vetëm ata të Liverpulit”, deklaroi gjermani në konferencën për shtyp përpara ndeshjes së të dielës me Uolvesin.
52-vjeçari këmbënguli se nuk do të heqë dorë së luftuari për 5 zëvendësimet.
