Një prapaskenë e çuditshme është zbuluar nga TalkSport tek ekipi i PSG. Leo Messi mund të jetë afrimi i madh i francezëve, ndërsa në krahun tjetër drejtuesit duhet të pranojnë humbjen e Kylian Mbappe.
Sulmuesi francez dëshiron të largohet nga ekipi i parisenëve, pasi do të bëjë një tjetër hap të rëndësishëm në karrierën e tij. Real Madridi e do prej kohësh dhe trajneri Zinedine Zidane e konsideron si zëvendësuesin e duhur të Benzemasë.
Benzema po luan rregullisht dhe ka performanca të mira, por diçka e tillë nuk duket se do të zgjasë për gjatë. Ai është 32 vjeç dhe vitet që ka mbi shpatulla po ndikojnë në performancat e tij.
