Ka shkaktuar shumë diskutime ndërhyrja e mesfushorit të Lyon, Tago Mendes, në dëm të yllit të PSG-së, Neymar. O’Ney ka pësuar një dëmtim të keq në kavilje që pritet ta detyrojë të qëndrojë për pak kohë larg fushave.
Lojtari që i shkaktoi dëmtimin sulmuesit të Parisit është kthyer të flasë për rastin në një intervistë të dhënë për Daily Express.
“Më pëlqen futbolli i Neymar dhe shpresoj të mos jetë asgjë serioze”, ka thënë Thiago Mendes. “Shpresoj që të rikuperohet shpejt dhe të gëzojë fansat e tij dhe të gjithë tifozët e futbollit. Kërkoj sinqerisht falje”, ka shtuar Mendes, i cili kishte kërkuar ndjesë më parë në rrjetet sociale.
Rrejte sociale që nuk e kanë kursyer aspak, me gruan e Mendes, Kelly, që ka marrë edhe disa kërcënime: “I kanë shkruar Thiago-s, por më kanë shkruar edhe mua. Thonë se do të ndodhë diçka e tmerrshme për shkak të dëmtimit që i është shkaktuar Neymar-it nga Thiago”.
