Një gol i bukur me kokë kundër Sampdoria-s i sulmuesit të Napoli-t, Andrea Petagna.
“Është një ditë e bukur për mua, dua t’i falënderoj të gjithë, veçanërisht prindërit e mi. Nëse luaj akoma është për meritën e tyre, duke parë se nuk kam kaluar disa momente të bukura në të kaluarën”, ka thënë Petagna për Sky Sport.
“Kur kam dalë nga të rinjtë e Milan-it dhe kam shkuar te Samp, më pas në Serinë B, ka patur shumë momente të vështira që më kanë bërë të mendoj që të tërhiqesha, por jam akoma këtu”.
“Përqafimi me Gattuso-n? Para ndeshjes më ka thënë se do të kisha shënuar dhe falë tij po përmirësohem shumë, luaj në një mënyrë ndryshe. Këtu jemi të gjithë të mirë, kjo na bën të përmirësohemi dhe të japim maksimumin në çdo stërvitje”.