Boksieri britanik Anthony Joshua mbrojti titujt kampionë bote në peshën e rëndë, kategoritë IBF, WBA dhe WBO, pas triumfit me KO në raundin e 9-të ndaj rivalit bullgar Kubrat Pulev. Kjo sfidë u zhvillua në prani të 1000 fansave në stadiumin “O2 Arena” të Londrës.
Për Joshua ky është triumfi i 24-t në karrierën e tij, ku ka edhe një humbje, ndërsa për Pulev kjo ishte humbja e dytë në karrierë (ka edhe 28 fitore). Një sfidë e fortëdhe mjaft tërheqëse, por e dominuar nga boksieri britanik, që ishte më superior në ring.
Dy raundet e para ishin të mërzitshme, por në të tretin Joshua “zgjohet” dhe arrin të dominojë, duke hedhur në tapet rivalin bullgar. Raundet që e pasojnë janë më të ekuilibruar, me Joshua që administron epërsinë dhe është më agresiv se Pulev, që godet hera-herës.
Bullgari duket se rimerr veten në raundet 7-8, por Joshua rikthehet të dominojë në ring dhe në raundin e 9-të hedh sërish Pulev dy herë në tapet. Ai nuk ngrihet dot më dhe britaniku nis festën, duke triumfuar me KO dhe mbron titujt kampionë.
Këtë sfidë e ndoqi nga afër ikona e ringut Floyd Mayweather, me të cilin Joshua u përshëndet menjëherë pasi fitoi duelin.
#AnthonyJoshua 🥊3rd round #AnthonyJoshua
3m pic.twitter.com/mCHw3rtYKk— Anthony Joshua (AJ) Tyson Fury (@AJTysonFury) December 12, 2020
Anthony Joshua Wins the Fight. 9th round knockout.
HEAVY WEIGHT CHAMPION OF THE WORLD #JoshuaPulev pic.twitter.com/EtwgUI7HnR— abdurahman (@abdurahhmman) December 12, 2020
