Diego Simeone vlerëson maksimalisht Zinedin Zidanin dhe thotë se ai ka qenë kampion si futbollist dhe vazhdon të jetë si trajner. “Askush nuk ka dyshime për këtë. Zidan ka bërë histori në fushë dhe vazhdon ta bëjë në stol. Atletiko favorite? Ai ka mendimin e tij, ndërsa unë nuk do të komentoj mendimet e trajnerëve.
Dua të zbresim në fushën e lojës për ta fituar këtë sfidë. Jam me shumë fat që kam futbollistë të rëndësishëm dhe që janë në gjendje optimale. Kemi punuar mirë dhe duhet ta tregojmë këtë gjë në fushën e lojës. Suarez? Vjen nga Koronavirusi dhe i duhet pak kohë për të gjetur formën optimale. Duhet të bëjmë një ndeshje të madhe”, tha Simeone.
