Tani është zyrtare nga sot stadiumi i Napolit nuk quhet më “San Paolo”, por “Diego Armando Maradona”.
Kryebashkiaku napoletan, Luixhi De Maxhistris së bashku me Këshilllin Bashkiak kanë firmosur ndryshimin e emrit të stadiumit në nder të “El Pibe de Oro”-s Diego Armando Maradonës pas largimit nga jeta më 25 nëntor pas një ataku kardiak, të shkaktuar nga goditja në tru javë më parë.
Maradona i cili nga napoletanët cilësohej si “Zot i futbollit”, nderohet në mënyrën më humane duke u vendosur emri i tij në stadiumin ku mahniti mbarë Italinë dhe botën.
