Çështje e transferimit të dështuar të Luis Suarezit te Juvja vazhdon të hetohet, por mbi argumentin në fjalë ka folur edhe ministrja e transporteve në Itali, Paola de Mikeli.
Kjo rezultonte në përgjime me drejtorin sportiv të Juves, Fabio Paratiçi, që i kërkonte disa informacione lidhur sesi mund të shpejtohej provimi i Suarezit. “Po, jam mike e Paratiçit që në fëmijëri dhe nuk kam bërë asnjë krim.
Më vjen keq që jam përfshirë në këtë çështje, por nuk kam bërë asgjë të keqe përveçse kam kërkuar disa informacione sesi mund të kompletohej më shpejt një kërkesë për marrjen e pasaportës. Ky nuk është krim”.
