Kapiteni i Real Madridit, Sergio Ramos, nuk ka rinovuar ende kontratën me klubin spanjoll. Ai po bisedon prej kohësh me drejtuesit e klubit, por ende nuk ka firmë në kontratë.
Trajneri Zinedine Zidane e do me patjetër në skuadër, ndërsa “Los Blancos” duan t’i ofrojnë rinovim me ulje page. Mbrojtësi nuk e ka pranuar një mundësi të tillë dhe mund të largohet në verë.
PSG dhe Manchester City kanë hedhur grepat tek ai dhe janë gati ta rrëmbejnë. Mbetet për t’u parë nëse ikona e “Los Blancos” do t’i japë fund aventurës së tij me kampionët e Spanjës.