Joan Laporta ka folur sërish kundër PSG-së dhe planit të tyre për të transferuar Lionel Mesin. Kandidati për president i katalanasve thotë se francezët nuk po e respektojnë klubin dhe po bëjnë gjëra të pahijshme.
“Sigurisht që është mungesë respekti të sulmosh një klub që nuk ka president. Ne duhet të nxitojmë të bëjmë zgjedhjet për të bindur edhe Lionel Mesin. Duhet të jemi të gatshëm për t’i bërë një ofertë të mirë në aspektin ekonomik dhe në planin sportiv”, ka thënë Laporta.
Mediat spanjolle dhe ato gjermane raportojnë se klubi i Barcelonës po mendon një sulmues për të ardhmen dhe i përzgjedhuri duket se është Erling Haland. Norvegjezi është duke shkëlqyer me skuadrën e Dortmundit.
