Kazuyoshi Miura, i njohur nga të gjithë si Kazu, golashënuesi më i vjetër profesionist i futbollit në Japoni, do të luajë edhe në moshën 54-vjeçare. Ai zgjati kontratën me Yokohama FC për një sezon tjetër, siç u konfirmua sot nga i njëjti klub me një njoftim për shtyp.
Pikërisht një vit më parë, më 11 janar 2020, ju kemi treguar për rinovimin e pabesueshëm të kontratës së Miura, i cili do të luante ende 53 vjeç. Sot, pas një viti, ne ju themi praktikisht të njëjtën gjë, por me një vit shtesë mbi supe. Miura do të mbushë 54 vjeç shkurtin e ardhshëm dhe më pas do të luajë në “J1 League”, divizioni i parë i futbollit japonez, në këtë moshë të pabesueshme.
Ne e kujtojmë atë, ndër të tjera, edhe në Itali, me fanellën e Genova, në sezonin 1994-1995. Tani, ai po përgatitet të luajë përsëri këtë vit dhe, ndoshta, për të gjetur një gol, që do të ishte vetë historia…