Interi do të zbresë sonte në “San Siro” për të zhvilluar sot sfidën e radhës në kampionatin italian kundër Beneventos. Tekniku zikaltër, Antonio Konte, i cili do të mungojë dy sfida për shkak të dënimit nga liga italiane, ka kryer ndryshime në formacionin bazë.
Eriksen, Ranokia, Galjardini dhe Perisiç do të jetë titullarë në takimin kundër ekipit të Filipo Inzagit. Vidal, Jang, Brozoviç dhe De Vraj janë lënë pushim nga Konte teksa të martën zikaltërit përgatiten për ndeshjen gjysmëfinale kundër Juventusit në Kupën e Italisë.
INTER-BENEVENTO
Formacionet zyrtare
INTER (3-5-2): Handanoviç; Skriniar, Ranokia, Bastoni; Hakimi, Barela, Eriksen, Galjardini, Perisiç, Lukaku, Lautaro. Trajner: Antonio Konte.
BENEVENTO (4-3-2-1): Montipò; Barba, Kaldirola, Glik, Depaoli; Hetemaj, Viola, Ionita; Improta, Kaprari; Lapadula. Trajner: Filipo Inzagi.
