Amir Rrahmani bëri debutimin me Napolin në ndeshjen ndaj Kaljarit, duke u aktivizuar nga stoli, ndonëse u afrua te skuadra e Gatuzos që në verë.
Tashmë mbrojtësi kosovar shpreson të gjejë akoma më shumë hapësira te Napoli, në mënyrë që të tregojë kualitetet e tij. Për këtë ka folur edhe vetë menaxheri i futbollistit, Adrian Aliaj. Ky i fundit në një prononcim të dhënë për “Radio Marte”, shprehet se Rrahmani do të qëndrojë gjatë te Napoli.
“ Jam i lumtur për Amirin. Kurrë nuk kam pasur dyshime në cilësitë e tij. Ai do të qëndrojë në Napoli për një kohë të gjatë. Besojmë te Gatuzo dhe te projekti i klubit. Duhet pak durim, por gjithçka do të shkojë mirë. Unë besoj vërtetë te lojtari im”, tha Aliaj.
