Klubi i Bylisit ka goditur në orët e fundit të merkatos së janarit. “Panorama Sport” mëson nga burime në klubin ballshiot se janë siguruar sulmuesi boshnjak Haris Harba dhe mesfushori brazilian Markinjo.
Haris Harba (m) dhe Markinjo (d), dy futbollistët e rinj të Bylisit
32-vjeçari Harba nuk është një emër i panjohur për Kategorinë Superiore. Ai luajti me Kukësin për 7 muaj në sezonin 2018-2019. Në 4 ndeshje të kampionatit, ai nuk realizoi asnjë gol.
Një blerje e qëlluar konsiderohet dhe ajo e brazilianit Markinjo. 32-vjeçari mund të luajë në pozicionin e mesfushorit organizator, sulmuesit të krahut dhe sulmuesit të dytë.
