Inter nuk do ta ketë të vështirë të largojë në merkaton e janarit mesfushorin danez Christian Eriksen, duke qenë se pretendentët për 28-vjecarin janë të shumtë. Sipas mediave italiane, në garë për Eriksen është vënë edhe skuadra e Valencia, që orët e fundit është interesuar për danezin.
Problem në këtë rast është fakti se Valencia e kërkon lojtarin në formë huazimi dhe jo ta blejë 100% kartonin e tij. Ndërkohë që, Interi kërkon ta shesë përfundimisht dhe me paratë e arkëtuara të ndërhyjë në merkato. Lojtari aktualisht paguhet 7.5 milionë euro në sezon, shumë e lartë për Valencia.