Trajneri i Realit të Madridit, Zinedin Zidan ka patur një kontakt direkt me një person të infektuar me koronavirus, dhe tekniku francez është vetë-izoluar në banesën e tij.
Sipas të përditshmes spanjolle “AS” që konfirmon këtë lajm shpjegon se tekniku i madrilenëve gëzon shëndet të mirë, por në respekt të protokollit të La Liga-s, nuk ka të drejtën të ushtrojë stërvitje dhe ndodhet në izolim total në pritje të tamponit ku i është nënshtruar.
Zidan rrezikon të mos jetë në pankinë në sfidën ndaj Osasunës në javën e 18-të të La Liga-s spanjolle, e cila është në program të zhvillohet të shtunën me fillim nga ora 21:00.
