Juventusi nuk është skuadra më e interesuar për Alehandro “Papu” Gomezin, por gjithsesi në një tratativë shkëmbimi bardhezinjtë edhe mund të kishin pranuar që ta afronin kapitenin e bergamaskëve në skuadrën e tyre.
Argjentinasit, i cili ka dalë jashtë skuadre pas përplasjes së ashpër me trajnerin Gasperini, i është ofruar në orët e fundit një shkëmbim kokë më kokë me Federiko Bernardeskin, të cilin Atalanta e ka pranuar.
Por, ai që ka hedhur në erë akordin ka qenë vetë sulmuesi i Juves, i cili nuk e ka pranuar destinacionin zikaltër.
