Reali i Madridit tha se ndeshja kundër Osasunës nuk duhet të zhvillohej për shkak të kushteve të rënduara atmosferine në Pamplona, por në realitet nuk bëri asnjë përpjekje apo kërkesë zyrtare për ta shtyrë sfidën. Gazeta spanjolle “MARCA” shkruan se ka pasur gjatë gjithë ditës së premte kontakte të vazhdueshmes mes drejtuesve madrilenë dhe atyre të La Ligës për të kuptuar se çfarë do të ndodhte.
Por burime brenda Ligës bëjnë me dije se Reali kurrë nuk bëri asnjë kërkesë zyrtare për anulimin e kësaj ndeshjeje apo për shtyrjen e saj për një ditë tjetër. E vërteta qëndron se ka pasur vetëm një tentativë për ta afruar duelin e orës 21:00 në orën 16:15, por kjo nuk u lejua nga La Liga për shkak të të drejtave televizive. Reali dhe Barcelona në një ditë, për më tepër gjatë pasdites do të ishte një humbje për futbollin spanjoll.
