Futboll Seria A Sport

VAZHDOJNË ME HAP KAMPIONI/ Juventus gjen fitoren e tretë radhazi, Ronaldo i vendos vulën ndaj Sassuolo-s

Juventusi ka gjetur fitoren e tretë radhazi pas Udinese dhe Milan, duke mundur 3-1 Sassuolo, por në fushë rezultati nuk pasqyroi atë që u pa.

Skuadra mike ishte më e rrezikshme se kurrë dhe madje, edhe pse mbeti me dhjetë futbollistë që pas minutës së 30-të, arriti të rezistonte.

Dybala u dëmtua ashtu si edhe McKennie, ndërsa Pirlo hodhi në fushë Kulusevskin dhe Arthur. Sakaq, në pjesën e dytë do të shënonte Danilo një supergol me goditje nga distanca.

Barazimi i miqve nuk vonoi dhe aksioni model i finalizuar nga Defrel me asist të Traore, bëri të dridhej Pirlo & Co.

Bardhezinjtë gjetën sërish avantazhin me anë të Ramsey, pas krosimit nga Frabotta, por ishte gabimi i mbrojtësit Chiriches që prishi jo pak punë, duke mos qenë i vëmendshëm brenda zone.

Në fund, me kundërsulm, Ronaldo firmosi ndeshjen me golin e tij personal dhe të 15-tin në këtë Serie A. Juventusi përfiton nga barazimi Roma-Inter dhe ngjitet në renditje tashmë në vend të katërt, 7 pikë larg kreut, por me një ndeshje më pak.

Related posts

Pjesa e parë/ Skënderbeu shumë i fortë, golat ”lumë” në Laç (VIDEO)

Sadik.Autor

KORONAVIRUSI/ Galliani: Kaosi në futboll për shkak të epidemisë? UEFA fajtore!

Delo.autor

(Video), simulimi më absurd në histori e futbollit

Sadik.Autor

Leave a Comment