Duket se lojtarët e Romës nuk e kanë kapërdirë aq lehtë shkarkimin e menaxherit të klubit, Gombar dhe zyrtarit të klubit, Zubiria pas gafave të zëvendësimeve në sfidën e Kupës së Italisë ndaj Specias.
Sipas asaj që raportojnë mediat e ndryshme italiane, lojtarët verdhekuq me në krye Edin Xhekon dhe Lorenco Pelegrinin kanë kërcënuar për bojkot stërvitjes, vetëm që dy zyrtarët e klubit të riktheheshin përsëri në klub.
Pas tri orësh tentativa, lojtarët e skuadrës kryeqytetase u rikthyen të stërviten, por duke i treguar gishtin klubit si fajtor për largimin e tyre.