Humbja ndaj Southamptonit ka bërë që trajneri Jurgen Klopp t’i kundërvihet VAR-it. Tekniku i Liverpool-it nuk është aspak i kënaqur me gjyqtarët që monitorojnë VAR-in. I ngacmuar në lidhje me një deklaratë të tillë, trajneri i Manchester United, Ole Gunnar Solskjaer, ka refuzuar të përgjigjet.
“Nuk humbas kohën time me gjëra të tilla”, – ka thënë shkurtimisht norvegjezi. “Djajtë e kuq” kanë qenë shpeshherë në shenjestër për favorizimet nga VAR-i me penalltitë e shumta të dhuruara gjatë këtij sezoni.
“Frank Lampard e bëri diçka të tillë me para dhe gjyqtarët nuk na dhanë një penallti që duhej ta jepnin. Ata po mundohen që të ndikojnë te gjyqtarët. Nuk e di, por nuk më shqetëson. Kur shkaktohet faull ndaj futbollistëve tanë në zonë është penallti”, – tha tekniku i United.
